نیه کلاسیک ادبییات اوخویاق؟ حسرت زنگانلی
▪️نیه‌کلاسیک‌ادبییات اوخویاق؟
▪️یازار: #حسرت_زنگانلی
▫️بیرینجی بؤلوم
🔹دونیا ادبییاتینی اوخوماق و اونو بیلمه‌ک بیزه گرکلی دیر آما سورغو بورادا دیر ندن ایندی کی دوروم دا بیزلر دونیا ادبییاتینا چوخلو ماراق گؤستریب و اوندان ایلهام آلیریق بو حالدا کی اؤزلوگوموزده زنگین کلاسیک ادبییاتی چانتامیزدا دولاندیریریق آما اوندان فایدالانمایاراق اونا گؤز یوموروق!
🔹کلاسیک ادبییات او سیرا اثرلر و کیتابلار دیر کی بیرینجی تعریف ده بونو ائشیدیریک{ بیر داها اونو اوخویورام } و بو تعریف بو آنلام دا دیر کی کیمسه کلاسیک ادبییاتی بیلمه یی اؤزوموزه گرکلی بیلیریک و اونو اوخوماماغی یالنیش ایش بیله رک دوستلار آراسیندا اوتانیریق دئیه‌ک کلاسیک ادبییاتی اوخومامیشام،آما بو حالدا باشقا اؤلکه لر ادبییاتینا ماراق گؤسته ریریک و قاچیریق فارس ادبییاتی نین باغرینا یا غرب ادبییاتینی اوستون بیلیریک اؤز کلاسیک ادبییاتیمیزین قارشیلیغیندا.
🔹یالنیش ایش لردن بیری سی بودور کی بیزلر یئنی باخیش ایله کلاسیک ادبییاتا باخیریق و اونلاری ایندی کی ادبییات ایله ترزی یه قویوروق! آما بونا باخمایاراق یارانان اثرلر آکادئمیک فضالاردان ائشیگه یارانیبلار. دئمک کلاسیک ادبییاتی بیلمه مه یین و اونسوز یارادیجیلیغین سونو اثرلریمیزین اونودولماسی دیر آنجاق بلکه نئچه چاغ اثریمیز ال به ال اوتوروم لاردا و دیل لر ده دولاناجاق و بلکه ده کیتاب ساتیش لاری نین ویترین بزک لری اولاراق آما سونوندا حؤکم اونودولماق دیر کلاسیک ادبییاتی بیلمه ین اثرلره!
🔹تام دونیا ادبییاتی بیر اؤتکده گیزلنمیش شفاهی ادبییات دان قایناییب کی هر بیری سینده کولتور و فولکولور باخیشی ایله باشقاسی ایله فرغیلی دیر.
کلاسیک ادبییات و اثر لر کی هر توپلومسال کولتورون نماینده سی ساییلاراق او کولتورون ذووغون و هونرین باشقا اؤلکه لره بللی ائدیب آلقیش قازانیر البته بو آلقیش لار ایندی یارانان کلاسیک اثرلرده آز گؤرونور.
🔹کئچمیش ادبییاتی بیلمه‌ک بیزلری یاردیم ائدیر اثریمیزین قالارغی لیغی چوخ اولسون و بیزلری ایستر ایسته مز چالیشدیریر کؤک لو بیر اثرلر یاراداق و کئچمیشین سؤزلرین یئنی باخیش ایله منیمسه ییب دونیایا تانیتدیرماغا چالیشاق.
آردی وار.....
____