دونیانیــن ان آغیر دردى شاعیرده
گون لرین دال با دال حسرت قارادیر
قاپازلى یاشام دا عؤمور سورودور
چئکدیکجه حسرتى شعیر یارادیر
ائلى نین سسى دیر ائل دردین چکیر
ظولوم لر اؤنونده اوجا هاى وئریب
هردن ده یالقیزجا گؤزو یاشلى دیر
شاعیره حسرتی تانرى پاى وئریب
بهزادبیات فرد (حسرت زنگانلی)
دریافت
عنوان: برنامه گئجه لر شبکه اشراق زنجان
توضیحات: دانلود کلیپ شعرخوانی حسرت زنگانلی در برنامه گئجه لر
قوتارسا قیش کئچه ریک بیرده یاز یایا سؤیودوم
یاشیل لیق آنلایاریق شاختا قیش قویا سؤیودوم
گلن بو تیرچی بئیین بالتاسی آجیندان اؤلور
وورار کؤکون هادیر اول اوندا یوخ حایا سؤیودوم
دیبینده کى بیزى ده سن اونوتما گؤر او زامان
چاتیرسا سنده کی بوی اولدوزا آیا سؤیودوم
لاخاندا کی یووا لار ایندی بوش قالیب بیلیرم
تاپیلماز هئچ کیمی بو آغرى نى سایا سؤیودوم
سنه گؤره قاییدار سئرچه لر گلر بورایا
گلر باهار ساری قوش حسرتین سویا سؤیودوم
یاخان سازاق الینه دوشسه دؤز اونا قاداسى
اومودلو اول چاتاریق بیرده یاز یایا سؤیودوم
یئنه آللاه آغلاییر
سس: بهزادبیات فرد(حسرت زنگانلی)
شعر: استاد نادر الهی
تنظیم: مهدی ملکی
ضبط استودیو کینگ
▪️سس آتین!
سس آتین بلکه بو سس بیرلیگی گلسین بو کارا..
سس آتین بلکه بیری بیزلری بوردان آپارا
بیچیلیب باختیمیزین ائینینه یاس اویخولاری
بیزى هاردان گؤتوروب تانرى گتیرمیش گؤر هارا
بیز آرین سئودالاری آختاریریق آما آمااااان.....!
بورا دا سئوگی آدی هرزه یازیلمیش دووارا
بیری سی هورمه ده بیز بوردا سانیردیق ساواشیر
چالیشیرمیش یاخاسین قانجیق الیندن قوتارا
نه یه دوزگونلوگ آدین هامی بله شدیردی بئله
دویمادیق دوزلوگو بیز اینسان آرا اینسان آرا
کیمی ساغ دیر کار اولوب کیم ده کی کار دیر سادا کور!
یوخدور اینصاف آتیلیر ساغ کورا کورلار دا کارا
سیز قالیرسیزدا قالین آما سیز آللاه سس آتین
سس آتین تانری منی سیزلر الیندن قوتارا
بو شعرین دکلمه سى
شعر: حسرت زنگانلی
دکلمه: مائده صالحی نژاد(آینار تبریزلی)
تنظیم: محمدقربانی
